Vetitë Kuruese: Çaji Jeshil është i njohur dhe i përdorur që në kohët më të lashta, fillimisht nga vendet e lindjes si Kina e Japonia e më pas në mbarë globin. Gjethet e çajit jeshil përmbajnë ndër të tjera polifenole, substanca mjaft ushqyese për organizmin e njeriut. Përmbajtja e katekinave dhe teinës në gjethet e çajit e bëjne atë një antioksidant mjaft të mirë. Shquhet për vetitë e tij në rënien në peshë, në uljen e kolesterolit është një anti-diabetik mjaft efikas, me vlera dhe që ndihmon në sëmundjet e lëkurës dhe parandalimin e rënies së flokëve. Ruhet në vënde të thata larg dritës dhe lagështirës.

Përgatitja: Masa e një luge çaji me preparat hidhet në një xhezve me ujë (180 ml) ku lihet të valojë për 5-6 minuta. Hiqet nga zjarri dhe lihet të ftohet për 2-3 minuta të tjera e mbuluar me kapak. Kullohet dhe hidhet në filxhan. Mund të pihet i ëmbëlsuar me mjaltë ose sheqer sipas dëshirës. Për shkak të përmbajtjes së teinës në këtë çaj rekomandohet të mos merren më shumë se 3-4 filxhanë çaji në ditë. Përdorimi i tepruar nga gratë gjatë shtatëzanisë mund të jetë një problem!