Në saj të esencës, substancave të hidhura, tanineve, etj. Rigoni i malësisë (rigoni i kuq) përdoret si një çaj që ndihmon tretjen dhe nxjerrjen e gëlbazës, mjekimin e rrugëve të frymëmarrjes, të kollës së bardhë dhe si një mjet shërues në rastet e rrufës dhe gripit pasi nxit dhe proçeset e djerësitjes dhe të urinimit në organizëm. Rigoni i kuq është i njohur prej kohësh dhe i përdorur në vendin tonë si për shijen e tij ashtu dhe për vlerat e tij mjekuese si një çaj. Kryesisht në Shqipërinë e veriut.

Përgatitja: Një filtër rekomandohet të përdoret për një filxhan çaji. Të shtohet në filxhan uji i sapo zier (100 ºC) duke u munduar të mos hidhet sipër filtrit, për të evituar fryerjen e tij. Të lihet 7-10 minuta dhe më pas të konsumohet duke u ëmbëlsuar me mjaltë ose sheqer sipas dëshirës.